كلمات اغاني فيروز

الأوضة المنسية
كلمات و ألحان الأخوين رحباني

ليل و أوضة منسية
و سلم داير مندار
عليت فينا العلية
و دارت بالسهرة الدار

و العلية مشتاقة
عا حب و هم جديد
فيها طاقة و الطاقة
مفتوحة للتنهيد
مضوية في بيوت تنوس
فانوس يسهر فانوس
و انت بقلبي محروس
بزهر الحرقة و النار

يا ريت الدني بتزغر
و بتوقف الأيام
و هالأوضة وحدا بتسهر
و بيوت الأرض تنام
و تحت قناديل الياسمين
انتو و أنا مخبايين
نحكي قصص حلوين
و لا مين يدري شو صار

يا أوضة صغيرة صغيرة
فيها بحبي تلاقيت
أوسع من دنيا كبيرة
و أغنى من مية بيت
تعبانة و بدي حاكيك
حاكيني الله يخليك
و نقلني ع شبابيك
الليل و ع سطوح الدار

تسلم الايادي
كلمات جميلة جدا واختيار موفق

في انتظار المزيد من كلمات السيدة فيروز

شكرا للمرور
فيروز رائعة دائما و في كل أغانيها انشالله اكتب كل اللي اقدر عليه من كلمات أغانيها
تحياتي

بيقولو الحب

بيقولو الحب بيقتل الوقت
و بيقولو الوقت بيقتل الحب
يا حبيبي تعا تانروح
قبل الوقت و قبل الحب
بديت القصة تحت الشتي
بأول شتي حبو بعضن
و خلصت القصة بتاني شتي
و تحت الشتي تركو بعضن
حبو بعضن ..... تركو بعضن
يا حبيبي شو نفع البكي
و شو ألو معنى بعد الحكي
ما زالا قصص كبيرة
و ليالي سهر و غيرة
تخلص بكلمة زغيرة

علموني
كلمات و الحان : الأخوين رحباني

علموني هني علموني
على حبك فتحولي عيوني
و التقينا و انحكى علينا
علموني حبك و لاموني

ع أيام الورد قلبي دايب
كيف كنا و كان العمر طايب
شو جرى شو غير الحبايب
مرقو على بابي و ما حاكوني

يا عصفور الشوك أهلك دارو
بهالسما و ما بعرف وين صارو
دلوني ع درب الحب و طارو
و على درب الصبر ما دلوني

من عز النوم



من عز النوم بتسرقني
بهرب لبعيد بتسبقني
يا حبي صرت بآخر أرض
عم أمشي و تمشي فيي الأرض
لوينك بعدك لاحقني

كنا تودعنا و صوتك غاب
و ندهني العمر الخالي
و لما ع حالي سكرت الباب
لقيتك بيني و بين حالي
مشلوحة على بحر النسيان
فارقني النوم و كل شي كان
ووجك ما كان يفارقني
جرب اسبح و يغرقني
رقص و ضحك و سهرية عيد
و كل اصحابي حواليي
و عم فتش أنا على حب جديد
و الناس عيونا عليي
بتطل بيوقع مني الكاس
وحدي اللي بشوفك من هالناس
من بين الكل بتسرقني
و بتلج الماضي تحرقني

ع الطاحونة


ع الطاحونة شفتك ع الطاحونة
جرحوني عيونك جرحوني

كنت امبارح ع النبعة القريبة
انت و رايح شفتك يا حبيبي
شفتك سارح بالدار القريبة
دابو عيوني و الدمع بعيوني

نازل نازل عن طريق الحارة
شفتك نازل و عيونك محتارة
و العوازل من كاس المرارة
لوعوني و بايدن سقوني

دوارة ع الدوارة

دوارة ع الدوارة
دار الحكي
هجرو الأحبة الحارة
ليش البكي

دوارة دورتيني
سهل و جبل
تحت الندي نسيتيني
و بالي انشغل
ما سألتي ما ذكرتيني
و غيرك سأل
و انهدت الياسمينة
و علقت فيكي

دوارة ع اللي داير
صبح و مسا
بخطية الضفاير
عمرو اتنسى
و قاسي يا هوى صاير
ليش الاسى
صبية شعرا طاير
و ملبكه

دوارة ع اللي قاصد
يقطف حبق
و بأيام الحصايد
قلبو احترق
قالتلي شفتك قاعد
تكتب ورق
قلتلا هالقصايد
كلن لكي

مافي اجمل من فيروز ورقتها وجمال صوتها واغانيها
علموني
حبو بعضن
دواره
و باقي الاغاني
جد من اجمل ماغنت و اختيارك موفق يا شاعرنا

ألف تحية متيمة
فيروز رائعة في كل ما غنت
تحياتي

حبيبي بدو القمر
كلمات و ألحان : الأخوين رحباني

حبيبي بدو القمر و القمر بعيد
و السما عاليه ما بتطالا الإيد

و طلعت على السطح و دلو عليي الناس
قالو مدري شو بها و خبروا الحراس
قلتلن بدي القمر قالوا القمر غالي
حقو عشر ليالي عشر ليالي سهر

و إلي عشر ليالي ع السطح سهرانه
و حاسه بحالي تعبانه و نعسانه
خايفة لنام و ينزل القمر
و يلاقيني غافيه و تسرقو جارتنا
يللي مزعلتنا
و تعطيه لحبيبي
و يحبا حبيبي
و انا صير غريبه

يسلموووووووووووووووو

تسلمي يا رهام
و الله لا يحرمني من وجودك و مرورك دائما
تحياتي

شكرا لكم على تذكيرنا بأجمل الاغاني .. لأجمل زمن ..

هل يمكنني المشاركة في كتابة كلمات الأغاني؟

شكرا على كلمات فيروز